愛心冬蔭功湯

呢個整比阿仔架，都幾多工夫呢......中午買左D蝦炒飯，蝦殼留番黎打湯(真係聰明同慳家啫，哈哈!)，超濃啊!
材料:
蝦殼2碗(加1湯匙橄欖油拌勻，用180度焗10分鐘)
水1500ml
草菇300G⋯⋯
蝦15只(去殼)
番茄2個
香茅2支
南薑5片
檸檬葉5片
青檸汁1茶匙
椰汁200ml
鮮奶100ml
茄膏2茶匙
冬蔭功醬2茶匙
做法:
先將蝦殼加水，用強力攪拌器打溶，用煲下點油加入冬蔭醬炒片刻，再加入香料 草菇和番茄炒至淋身，然後注入蝦湯 椰汁同鮮奶煮10分鐘，最後加入茄膏和檸檬汁一滾便可。

 

 

包包同學會週年聚會

是9號的事啦，好忙，又多數上FB，好少過來呀。

主人好用心佈置呢。

食品都是我地自製架，勁呢，哈哈!

最令人心動的甜品

太快樂!太飽了!

瘋狂煮婦一週年粉絲聚會

嘩!今日忙到呢......相都無影，多謝粉絲們的照片!
首先感謝各位我光臨，有的還要請假，又風大雨大，成身濕晒......更多謝大家這年來的支持，妳地令我繼續瘋狂呀!我當然好樂意分享下去啦，記得叫埋以姨媽姑姐來支持呀，哈哈!
我依家攰到唔識郁呀，但諗起大家話月餅好味過名牌，又話甜品正過酒店(唔知真定假)，跟住又老實不客氣地幫我清晒D野返屋企，我就爽晒啦!

當妳們收到這禮物時在狂叫，還擁抱我之際，我便深深感到，辛苦了三天，實在很有價值!

滿意脆皮好皇的研究結果

大家喜歡那個花紋呢?我還是最愛這款。

 

我不停整月餅，除左唔夠比朋友之外，其實係要鑽研技術，事關無上過堂......阿仔話，烹飪是科學(科目)，所以我要不斷研究；這個天氣，唔做野都熱到跳舞啦，何況整月餅，幾辛苦啊!
今日我研究結果如下:
1: 用膠模都好靚，如果掌握好的話；好多人講焗完無左D花紋，我估係未壓實。首先按下幾秒，放手再按一下便可。
2:朋友話，師傅教唔好用糖霜代替砂糖，我試左，無問題，仲覺得好脆。
3:今日先用底火焗2分鐘，再轉面火焗3分鐘，其餘照舊，效果滿意，希望對大家有幫助。

103 high tea

牌甜品在103舉行了一個以檸檬為主題的high tea，我跟包包同學會的朋友懷著興奮的心情去品嚐，結果......有點失落。馬卡龍是淋的，朋友說，我做的質感好多了。而我覺得，太多是有cream的，這個我不太愛......而我最喜歡的是什麼，大家來猜猜吧。

黑可可冰皮

 

大家整呢個時，是買餡料還是自己做呀?我係煲好D去衣綠豆，然後加入座溶的黑可可拌勻，雪一晚之後用的，中間加左脆脆珍珠添。

金華火腿五仁月餅

材料(皮):

A:糖漿160G 生油80G 鹼水1/2茶匙

B:低筋粉250G

做法:

先將A用打蛋器拌勻，再加入B拌至無粉粒，用保鮮紙包住

放室溫半小時備用。

材料餡:

松子仁 杏仁(有皮) 花生 黑芝麻

瓜子仁 合桃 共180G

糖冬瓜70G
桔餅1個
金華火腿80G⋯⋯
 糕粉(熟糯米粉)100G
 金獅糖膠90G
 生油50G
涼開水60G

另:

蛋黃(掃面用)

做法:
將果仁每樣分別焗香(炒亦可)，花生去衣，全部弄碎(不要成粉末，要有口感)放入盤中，糖冬瓜和火腿切小粒，桔餅切粒，一起拌勻，加入粉類拌勻，再注入生油和水，攪至無粉粒為止，再把需要的份量整成圓形抓緊。

模具灑上高筋粉，包好的月餅噴點水上面，

再取出掃上蛋黃，用180度焗15至20分鐘即可，

放涼後包好置室溫回油(三天)比較好吃。

木模教授班

哈哈!講笑jar，我都未學過，又點可以教人呀?只不過之前有朋友問，唔知木模點用，我想同大家分享下......
整月餅，我只係呢兩 三年嘅事；做傳統的，我堅持用木模(我好固執)。一年先整三幾次，真係要好好摸索......
首先份量要準確，剛好填滿木模，用手壓平，不可突出超越花紋邊緣。

廚房較暗，左手又不會拿手機，大家別介意。
然後打側在砧板上用力哼一下

之後再向下，用左手接著月餅，上端拍在砧板(月餅要在中間，有空位的地方，才可落在手上)，這樣脫出便可。

廚樂聚

今日到朋友家整月餅 !

 

感謝妳的熱情招待，辛苦晒!

我覺得自己埋頭在整野的時候，是最動人的!

好豐足呢

自製酒釀(米麴)

 

之前答應過粉絲朋友，如果這個成功便會出食譜......哈哈!好在得左!
材料:
糯米300G
米麴1湯匙
冰糖1湯匙(碎)⋯⋯
做法:
先把糯米煲熟，放置半冷熱的狀態，然後把玻璃瓶用滾水消毒，放一層糯米飯，再一點糖和米麴，就一層層的便可，蓋好後放室溫一個月以上即可食用。
如成功了是很濃酒香和沒面上發霉的。