糯米雞酒

 

我向來滴酒不沾，不過唔知點解，一見到糯米油就好興奮，可能又係自戀啦，因為係自製架!冬天食左，暖D又好瞓呀。

波羅炒飯

 

真的賞心悅目，睇下都開心嘅午餐。先炒好蝦仁 小元貝和什豆，隨後D飯炒底，加入黃薑粉（自行調味）和菠蘿（菠蘿不宜久煮，否則會變酸）即可。
黃薑粉是掣造咖哩的材料，非常有益，可以預防老人痴呆，通血管和消炎護肝等功效。

雪蛤鮮奶燉蛋白

 

材料:

鮮奶200ml
蛋白2隻
砂糖3茶匙(隨個人口味加減)

雪蛤隨意(先用薑汁燉半小時)

 做法:
將全部材料拌勻後過篩，碗面要加蓋，水滾後大火蒸12分鐘，

然後將雪蛤加在蛋白上，再多蒸5分鐘即可。

 這個做法其實好簡單，不過好像不能次次都咁滑，記得過篩和加蓋。

香港一蘭

第一次去一蘭
不過覺得日本好味D，又大碗D。

大滿足

尋日老公休息出左街，無得玩野，今日補償番，哈哈!
整完戚風，又再做包，要命!

喜歡用這款做蒜蓉包

又喜歡厚切方包

咖啡戚風

買左個十寸模，想試下......日本果D得8寸，

呢個質地麻麻，不過用住先啦，下次

可以加多D份量。

 

材料:A

蛋黃6個
砂糖40G
水4湯匙

菜油60ml

低筋粉100G
B:
蛋白6個
砂糖100G

C:

咖啡醬2湯匙

先用手提打蛋器將蛋黃和砂糖打勻，再加入水 油
和雲尼拿油拌勻，加入已過篩的低筋粉，用打蛋
器拌至滑潤狀態。
用電動打蛋器將蛋白打至如棉花般的(提起會滴落)
便加第一次糖(100G分三次)，打至提起蛋白有尖角
再加入第二次糖，到尖角更直立加最後一次砂糖，
打至能拉出完整尖角的泡沫便完成了。
用膠刮取1/3的蛋白加入蛋黃中拌勻，再分二次
加入如下的蛋白拌勻，至提起膠刮舀起麵糊向
下，如布匹般滑落便可。之後用另一個碗盛一

小部份粉漿，加入C拌勻，再與原來

的粉漿拌勻，

之後注入中空的戚風模內，用兩隻大拇指按著中
空的頂部，其餘手指按著模邊，輕輕扣打(在桌
上放上毛巾)，再用竹籤用麵糊畫圓圈，令空氣
釋出。預熱170度焗45分鐘，出爐倒扣，放涼起
出即可。

可可芝士蛋糕

 

餅底材料: 牛油65G 糖粉65G 消化餅130G

做法: 將消化餅壓碎，加入溶解的牛油和糖粉
拌勻，放入10寸的焗盤壓平，用180度焗
5分鐘，放涼備用。

蛋糕材料: 忌廉芝士500G，砂糖150G，蛋3隻，
牛油80G，淡忌廉100G，70%黑可可150G

(用熱水座溶)。

做法: 忌廉芝士(先放室溫)加糖打10分鐘，至無
粒和滑身為止，然後慢慢加入蛋和牛油繼
續打至如蛋漿一般，最後加入淡忌廉打片刻，

再注入可可拌勻，
注入已放涼的餅底上，
預熱150度焗50分鐘，

放涼雪凍後即可方享用。

註:

如6寸模可做半份

 

久違了的咖哩牛肉包

 

頭先比D包隔離妹妹，佢話:'嘩!剛剛想食餅乾添，依家有包
食啦!"我真係好受歡迎呀，哈哈!
整完包落左樓下緩步跑，覺得好D......
用新鮮免治牛肉(用生抽同生粉醃過，之後炒熟)，加上炒香的洋蔥粒 薯蓉，落D日式咖哩醬，記得用生粉水打芡(杰少少)，
雪凍後就可以做餡，至於外皮用湯種 十七小時中種或其他
都無問題。D餡又可以做生煎包，中式蒸包，甚至煎餃子
都得。

雪蛤膏

 

我好似以前在谷介紹過，依家再同大家分享一次吧。
雪蛤膏，未浸泡之前帶灰色的，唔識以為唔靚，其味道
更好似臘鴨。用水(不要用熱水)浸泡過夜後會白左，發
大有十倍，如小棉花球為優質；如果好似魚腸般便不
是好東西。不過，唔識又好難講幾句就明啊。

白汁磨菇雞肉焗飯

 

今日唱完K，所以無整乜呀，蒸魚同烚菜就算啦；

不過阿仔OT，整左呢個飯比佢，應該好多人識整，
唔使介紹啦......磨菇同雞肉分別炒熟，再用平底鑊下炒牛油
炒麵粉(至無粒)，加入淡忌廉同鮮奶，將雞肉和磨菇注入
炒片刻，再加D芝士(令佢杰D又香D)。飯我會炒底，然後
將餸放上飯面，用200度焗10分鐘OK。

晚餐

 

紅酒燉牛面
材料:
牛面一件(切小件，別太細，會縮水。)
紅酒500ml
雞湯一小盒
甘筍1條⋯⋯
薯仔1個
洋蔥1個
做法:
用紅酒將牛面(浸過面，留起小許紅酒)浸泡過夜，盛起牛面
用麵粉撲上兩面，用平底鑊下油煎至金黃色，加入浸牛面的
紅酒同雞湯燉一個半小時。什菜切件後用油鹽炒過再加入牛
面燉多廿分鐘，最後加入留起的小量紅油煮片刻即成，好味呢!

仲有花膠海參西生菜呀

 

雞燉翅
雖然自己店有魚翅賣，但因為環保而比較少吃......
今日用另一個做法，買左一隻雞加瘦肉同元貝煲三個鐘，
之後將雞起肉，用湯和雞絲燉。魚翅先用薑蔥出水，加入
湯中同魚翅用Miele&Staub燉三小時，之後用明火煲一會兒，
再用馬蹄粉埋芡，這才是真正的雞燉翅，酒樓的都是用人
做多呀。

杏仁餅

材料:
A: 杏仁粉100G 糖粉60G 植物牛油15G 杏仁油少許(我無加)
B: 杏仁碎20G
做法:
將A拌勻，搓成有黏性的粉團，加入B拌勻，用餅模造型，預熱160台度焗20分鐘，至硬身，放涼即可。

 

海綿蛋糕 (全蛋法)

材料:

A: 全蛋4隻 砂糖200G 海鹽4G⋯⋯
B: 低筋粉140G
C: 牛奶30ml 油30ml

做法:

先將A用電動打蛋器高速打發，直至不易滴落，之後篩入B
拌勻，取小部份用另一個器皿盛著，加入C拌勻後再倒回
攪拌器中拌勻(手和膠刮便可)，然後注入焗盤內，預熱180
度焗25至30分鐘即可。

迷你核桃蘇

材料:

A:砂糖40G 菜油40G 蛋20G 梳打粉1G 臭粉1G

B:低筋粉90G

C:核桃或杏仁適量(先焗香)

做法:

先將A拌勻，再加入B搓揉成團，分開17份，

搓成扁圓形後中間按一個小孔，掃上蛋黃後

加入核桃，預熱180度焗18分鐘(原食譜做

10個，焗25分鐘，但我做迷你，焗左18分

已過火，留意自己個焗爐)。

 

鮮奶燉蛋白

 

材料:
鮮奶200ml
蛋白2隻
砂糖3茶匙(隨個人口味加減)
做法:
將全部材料拌勻後過篩，碗面要加蓋，水滾後大火蒸18分鐘。
這個做法其實好簡單，不過好像不能次次都咁滑，記得過篩和加蓋。

幸福下午茶

 

 

雖然沒有大酒店我的精緻手藝，但勝在用料上乘各用心製作，在家能享用到親手製造的咸甜美點，實在是人生一大樂事!

簡易五香牛腱

 

 

材料:
金錢腱兩隻
香料:
八角3粒
草果1粒⋯⋯
桂皮1小片
香葉2片
丁香2粒
甘草2片
陳皮1角
調味:
老抽 生抽 隨意冰糖1小粒 紹興酒1湯匙
做法:
燒紅油鑊，炒香薑蔥下牛腱炒至轉色"贊"入紹興酒，香料用煲魚袋包住加入，再注入開水同調味炆個半鐘。薯仔和紅蘿蔔用油鹽炒過加上炆多廿分鐘至汁濃即可。

竹炭芝麻戚風(9寸)

 

材料:A
蛋黃6個
砂糖40G
水4湯匙

菜油60ml
低筋粉100G
B:
蛋白6個
砂糖100G

C:

黑芝麻粉4湯匙

竹炭粉少許

先用手提打蛋器將蛋黃和砂糖打勻，再加入水 油
和雲尼拿油拌勻，加入已過篩的低筋粉，用打蛋
器拌至滑潤狀態。
用電動打蛋器將蛋白打至如棉花般的(提起會滴落)
便加第一次糖(100G分三次)，打至提起蛋白有尖角
再加入第二次糖，到尖角更直立加最後一次砂糖，
打至能拉出完整尖角的泡沫便完成了。
用膠刮取1/3的蛋白加入蛋黃中拌勻，再分二次
加入如下的蛋白拌勻，至提起膠刮舀起麵糊向
下，如布匹般滑落便可。之後用另一個碗盛一

小部份粉漿，加入C拌勻，再與原來

的粉漿拌勻，
之後注入中空的戚風模內，用兩隻大拇指按著中
空的頂部，其餘手指按著模邊，輕輕扣打(在桌
上放上毛巾)，再用竹籤用麵糊畫圓圈，令空氣
釋出。預熱170度焗45分鐘，出爐倒扣，放涼起
出即可。

 

包包同學會

今日有朋友到我家聚會

我用自製糯米酒，

整左桂花酒釀丸子比佢地試。

整意式馬卡龍，要將糖水煮至117度，

 

再加入蛋白打

靚嗎?

又整叉燒包，大家都好欣賞，勁開心呀!

豆沙燒餅

 

上次整完個燒餅，發覺唔係果回事，應該煎至啱；今日用同一食譜黎煎，對了，就是這感覺!
材料:
A:水250ml 砂糖120G 油30G
B:糯米粉300G
C:豆沙合適量
做法:
先將A煮滾，加入B拌勻，待涼後包入豆沙，按扁，用180度焗20分鐘即可。

 

終於......滿意

曾經有朋友見到我整馬卡龍，都覺得生厭......我并不難過，只有研究她的人才有共鳴，她的難，非筆墨可形容!有時候，我亦深感疲憊......但，我都這樣安慰自己，這個不是人人都會做的，既然自己有根基，就不要放棄，繼續研究下去，又可以為愛做的朋友解決問題，何樂而不為呢?!

因為同個新焗爐仍在初戀期，要慢慢摸索，不過今日終於滿意了，好滿足呢!雖然，做甜品的人都明白，出品會受天氣 心情
環境等因素影響，我地唔係師傅，水準會不十分穩定(我自己是)，但我好享受研究的過程，那怕是失敗，只要搵到原因，我便滿足!

裝大師

 

見到好多大師級都玩呢款，雖然做得唔好，又無裝飾，不過差差地都滿足下自己先啦!
可能我天份不足，意式馬卡龍......我真係覺得好難(做到完美)，水準又唔穩定，唉!

泰式煎魚餅

 

材料:
鯪魚一條(叫店主起肉)
梅頭豬肉少許(增加口感)
檸檬葉5片
青檸一個⋯⋯
香茅一支
南薑少許
青豆少許(後加)
調味:
泰國紅辣椒醬 魚露 古月粉 生粉 (隨個人口味)
做法:
將全部材料攪碎後加入調味和青豆(切粒)，放入冰箱雪半小時(會好煎D)，煎時按成餅型，兩面再撲少許生粉，煎至金黃色即可。
汁液可用蒜泥加醋(或魚露) 指天椒，我用泰式雞醬

 

杏汁銀耳燉木瓜

杏仁，有益又美白，是我極愛的味道；

銀耳亦是，木瓜同樣有益 滋潤，

大愛!

豆沙燒餅

 好喜歡吃，不過做得唔理想，見到未有金黃色，加大火再焗，所以個面脆左，不過都同大家分享一下食譜。
材料:
A:水250ml 砂糖120G 油30G
B:糯米粉300G
C:豆沙合適量
做法:
先將A煮滾，加入B拌勻，待涼後包入豆沙，按扁，用180度焗20分鐘即可。

 

日式叉燒 (附做法)

好好味咁喎

 

買左黑豚肉，因為太厚怕唔入味，切開左。

調味三寶

先用油爆香薑蔥

加入豚肉煎下兩面

注入調味三寶(原食譜無加水，但我怕太濃，

所以加左)

炆45分鐘(我炆左一個鐘再浸泡過夜)

另烚好雞蛋去殼，加入汁液浸30分鐘

(我都浸過夜)

 

材料:

豚肉一大件

日本醬油200ml

味琳200ml

日本料理酒200ml

薑蔥適量

 

拉麵湯底

材料:

味噌2湯匙

雞湯400ml

柴魚高湯400ml(我用柴魚粉3小包)

日式叉燒汁4湯匙

做法:

柴魚湯加水煮15分後去渣，加入雞湯

味噌和叉燒汁煮10分鐘，泡熱拉麵，

加上切片的叉和蛋旦即可。

 

紅酒浸洋蔥

 

 

材料:
洋蔥2個(我用日本的)
紅酒500ml
做法:
把洋蔥去衣，一開八(撕開)，放進已消毒的玻璃瓶中，加入紅酒，放室溫7天便可。之後將洋蔥隔開，分別放入冰箱，每晚飲50ml，害怕酒味可加D開水(沖淡)，吃點洋蔥效果更佳。
嘩!D人講到佢好神奇，好似能醫百病咁......軟化血管，降膽固醇，手腳麻痺又好快回復，老花都得......數之不盡呀!