红豆/王菲

容祖兒 JOEY YUNG《小小》Official 官方完整版 [首播] [MV]

馬卡龍大製作 小分享

因為拍攝技術差，又無人幫忙，所以只拍了幾張，又唔靚，大家唔好見笑呀!

好多朋友都唔知D蛋白打到什麼程度叫合格，老實講，我都唔知!并非有保留，大家都知道我好坦白!
曾經上過一次馬卡龍堂，果時仲未學意式，都教法式，因為易做。就連阿Sir都話唔識點講......唉!咁我上堂做乜呀?!
所以，要自己不斷研究，不停做囉!
大家留意下啦，蛋白打到六成(有紋路)就加入煮好的糖水，繼續打到呢個樣呀。

拿拿拿，清楚未?

之後加入事先加了顏色拌好的糖粉和杏仁粉，用膠刮大幅度的按壓，直至有光澤為止。

唧好後提起放下"登"幾下，令佢平滑D，然後吹乾，一定唔可以心急，要乾先可以焗。

170度焗到起裙邊就校細D，通常7分鐘會起(如果蛋白同粉漿做得好的話)，之後用130焗約10分鐘即可。

好吸引的春色啊!還有自家果醬呢，但果醬水份高，會令外皮變淋，快食才可。

其實，D餡都對外層都好有影響架，當你研究到某階段就明瞭啊!

四物湯

 

除了八珍外，這亦是婦女的恩物，能補血益腎，防止衰老，去黃褐斑等功效。
材料:
熟地15G
當歸12G
白芍10G⋯⋯
川芎6G
做法:
用4碗水，滾後小火煲剩1碗，早晚空肚飲。

註:易上火者和感冒不宜。

 

玉子燒

 

材料:
蛋4隻
味琳1茶匙
糖2茶匙⋯⋯
鰹魚粉少許(或鰹魚汁1茶匙)
做法:
將全部材料拌勻，不要打太久，最好見到一點蛋白。燒紅油鑊，下蛋漿(不要待熟，底部凝固但上面D蛋漿是水水的，所以好難卷)，卷起後鑊再掃油(第一層不要盛起，便加第二層)，之後從尾端反過來卷包住第一層，都是不要太熟，之後用錫箔紙包住(它會隨後熟點)放冰箱，雪後材切件。

雙莓天使蛋糕

 

戚風蛋糕體:
材料:A
蛋黃3個
砂糖20G
水2大匙⋯⋯
菜油30ml
天然雲尼拿油少許
低筋粉50G
B:
蛋白3個
砂糖50G
先用手提打蛋器將蛋黃和砂糖打勻，再加入水 油
和雲尼拿油拌勻，加入已過篩的低筋粉，用打蛋
器拌至滑潤狀態。
用電動打蛋器將蛋白打至如棉花般的(提起會滴落)
便加第一次糖(50G分三次)，打至提起蛋白有尖角
再加入第二次糖，到尖角更直立加最後一次砂糖，
打至能拉出完整尖角的泡沫便完成了。
用膠刮取1/3的蛋白加入蛋黃中拌勻，再分二次
加入如下的蛋白拌勻，至提起膠刮舀起麵糊向
下，如布匹般滑落便完成了。
之後注入中空的戚風模內，用兩隻大拇指按著中
空的頂部，其餘手指按著模邊，輕輕扣打(在桌
上放上毛巾)，再用竹籤用麵糊畫圓圈，令空氣
釋出。預熱170度焗35分鐘，出爐倒扣，放涼起
出即可。
芝麻味做法如上，將拌勻的麵糊盛小部份，用
另一個器皿加入3湯匙芝麻粉，拌勻後加入原有
的麵糊再拌勻即可。
忌廉面:
淡忌廉30ml
甜忌廉120ml
做法:
將不锈鈉鋼盤雪凍，然後加入忌廉，用電動打蛋器高速打發至有紋("杰"身)，再隨意抹上蛋糕，上面放上喜歡的水果便可。
我在蛋糕的中心切開，抹上金莎榛子醬，豐富口感。

韓國人參燉雞

材料:
韓國新鮮人參1支
法國春雞1只
紅棗5粒⋯⋯
蒜頭3粒
薑3片
糯米1小碗(先浸泡2小時)
做法:
先將雞內藏清洗乾淨，將糯米加入雞內，再用竹籤埋口，加上其他材料和水燉一個半小時，吃時加點海鹽和蔥花即可。

 

試食報告:
我覺得一般，雖然無好大期望，明知去遊行飲果D，一定加左D"野"；不過，支參切開燉會出味D。

晚餐

牛肝菌&雞油菌炆雞
我個人其實好怕C，從來都怕冒險；不過講到整野食，就真係乜都想試(整)......
材料:
雞腿2只
雞翼4只
紅棗5粒⋯⋯
牛肝菌1湯匙
雞油菌1湯匙
調味:
醬油膏1茶匙
老抽1茶匙
做法:
先將雞腿切件和雞翼用海鹽醃過，再煎至金黃色；菌類用水浸泡洗乾淨(有沙)，再同調味一起加入雞中炆20分鐘，好味!

 

可以的話，大家要多食三文魚呀，它是十大抗衰老的食物之一呀。

 

一口吉烈豬排

 

材料:
有骨梅頭豬排3件
醬油麴2湯匙
蛋1只
生粉少許⋯⋯
日本麵包糠適量
做法:
將豬排去骨，用刀背把筋敲斷，加醬油麴將底面加上醃半個鐘再切小件，然後撲上生粉，再沾上蛋漿，最後撲上麵包糠再炸即可。

自我挑戰

 

 

朋友說:'Michelle妳D馬卡龍進步左呀，好好味，下次要多D可以嗎?"就這樣，我又再度瘋狂了......
今日極度潮濕，屋裡都充滿水份，馬卡龍有點未乾都會失敗，如爆裂和不起裙邊之類。書本教用手接觸表面，如不"痴"便可，但這其實不可信的，我試過......
同一食譜，同一個焗爐的溫，在不同的天氣和心情之下，效果都有別.....
對我來說，馬卡龍的吸引并不在於她外表的美，而是她質地的完美!其實，起了裙邊并不表示成功(對我來說)，溫度的控制極為困難，質地會因濕度和粉漿拌出來的效果，還有顏色亦有影響......實在不懂如何形容她的難啊

 

金莎榛子可可醬方包
本來做十七小時鮮奶吐司，整定做三文治比阿仔做早餐；但見到包包友整呢個，我又想做......醬料抹得唔靚，不過好好味(跌倒拿jar沙)!

仲有咖哩牛肉包

同漢堡包

特濃可可四重奏

海綿蛋糕

A:

全蛋6只

蛋黃2只

砂糖135G

海鹽1G

B:

低筋粉106G

梳打粉1G

C:

菜油32G

黑可可粉30G

D:

鮮奶21ml

糖漿21ml

做法:

先將C加熱王可可粉溶後便熄火，放涼備用。

A用電動打蛋器打至不易滴落，加入B拌勻，

用一個大碗盛一小部份粉漿，將C加入拌勻，

再拌入D，將可可粉漿倒回原有的粉漿再拌勻，

注入焗盤內，預熱180度焗35分鐘，出爐後倒扣。

可可面層:

 

材料:

黑可可(70%)150G

淡忌廉100ml

魚膠片12G(用冰水浸泡)

海綿蛋糕適量

做法:

可可坐熱水至溶解，

加入浸泡好的魚膠片拌勻，

淡忌廉打至"杰"後，

加入可可中拌勻，

模具的底部放一片海綿

蛋糕，注入可可醬在蛋糕上，冷藏

兩小時以上型凝固。

蛋糕組合:

底部第一層:海綿蛋糕

第二層:榛子金莎可可醬(現成的)

第三層:海綿蛋糕

第四層(面):可可面層

組合完畢後雪凝固便可，吃時可灑上可可粉，

真係可以比美名牌甜品店的出品啊!

周打蜆湯

材料:

蜆肉半碗

彩椒&西芹半碗

培根3片(切粒)

鮮奶400ml

淡忌廉100ml

牛油1茶匙

魚湯1粒

蒜泥1茶匙

白酒2茶匙

 

做法:

用牛油起鍋，炒香蒜泥後加入彩椒和西芹

炒片刻，再加入鮮奶同魚湯 蜆肉煮滾，

培根炒香和淡忌廉一同加入，最後注入

白酒一滾即可。

沖繩黑糖紅棗糕

 

 

又整年糕?唔係，沖繩黑糖紅棗紅呀。之前整過幾次都唔
太理想，見人地果D晶瑩剔透好靚，但我嫌紅棗味唔夠濃
......今日又做實驗，夠膽亂整一通，終於成功，哈哈!
我意思係自己喜歡的口感，但唔知你地鐘意否?質感係QQ
的，但有D煙un，總之......愛!
材料:
A: 沖繩黑糖250G 水400ml
B: 新疆特大紅棗120G(己去核) 水200ml
C: 木薯粉(泰國生粉)260G
   粘米粉60G
   馬蹄粉2湯匙
做法:
先把A煮溶，放涼一點，用攪拌器把B打溶(如不是強力的
便去渣)，然後將ABC一起拌勻後過篩，注入抹油的糕盤
內，大火蒸40分鐘即可。

鮪魚玉米披薩

 

材料:

高筋粉200G

低筋粉20G

三溫糖1湯匙

海鹽半茶匙

酵母1茶匙

橄欖油油15G

暖水150ml

配料:

鮪魚(罐頭)150G

玉米150G

披薩芝士150G

沙律醬少許

乾羅勒少許

做法:

將高筋粉放於盤中，鹽和糖各放在粉

上(一樣左，一樣右，別放在一起。)

將盤側向糖一邊(低點)，注入暖水，

用手指拌溶糖後，加入酵母拌勻，

然後將全部一起搓勻至無乾粉。

再把麵團放在木板上，加入橄欖油油搓至

光滑，用保鮮膜包住發酵45分鐘。

取出排氣後分成6等份，搓成球狀，室溫

用濕布蓋著放10分鐘，然後輕壓將空氣

排出，做出自己喜歡的形狀，進行第二

次發酵20分鐘。然後掃上一層薄薄的橄欖油，

加上配料(鮪魚和玉米用廚房紙吸乾水分)，

預熱焗爐180度焗12至15分鐘至金黃色。

平民晚餐

咖哩魚蛋
買左四海炸蛋，仲有墨魚丸 芝士丸 腸仔同豬紅，用淘大咖哩醬，灣仔成發(好似係呢個名)咖哩粉，蠔油同少少糖煮，加埋馬蹄粉埋芡，好有風味呢。

菜圃肉碎煎蛋餅
呢個菜真係又平又好味呀，菜圃切粒，肉碎用生粉同生抽醃左炒熟，加入蔥粒同菜圃炒香，用平底易潔鑊煎就OK啦。

酸辣湯

 

 

材料:
木耳一件(浸泡後切絲)
豆腐乾一件
酸筍少許(我買左4元)⋯⋯
瘦肉2湯匙
豬紅一件
雞湯一盒
調味:
老抽1茶匙
淅醋1湯匙
豆瓣醬1茶匙
古月粉少許
做法:
煮沸雞湯後加入木耳同豆腐乾煮片刻，再加入肉絲(全部材料切絲) 酸筍和豬紅再煮片刻，下調味，然後用2湯匙馬蹄粉加2湯匙水埋芡。
註:
材料和調味可自行加減。

手搓包

如果你不太懂做包，又或是無買強力的打麵機，

那麼，這食譜可以幫到你(哈哈!好似賣廣告)

材料:

高筋粉250G

三溫糖1湯匙

海鹽半茶匙

酵母1茶匙

無鹽牛油15G

暖水150ml

餡料隨意，我做了腸仔和肉鬆。

 

做法:

將高筋粉放於盤中，鹽和糖各放在粉

上(一樣左，一樣右，別放在一起。)

將盤側向糖一邊(低點)，注入暖水，

用手指拌溶糖後，加入酵母拌勻，

然後將全部一起搓勻至無乾粉。

再把麵團放在木板上，加入牛油搓至

光滑，用保鮮膜包住發酵50分鐘。

取出排氣後分成6等份，用乾布蓋面，放室溫

10分鐘。然後按扁(第二次排氣)，包入餡料，

放室溫40分鐘作第二次發酵。預熱焗爐180度

焗15分鐘即可。

沖繩快樂之旅

第一次觀賞櫻花

好喜歡行超市

節目之一是學做手卷