七彩雲石馬卡龍

太吸引了，極度陶醉呢!

答應人家的，就要還債啊!

朋友話喜歡粉紫色

晴天系列馬卡龍

每次試新色，又或是天氣唔理想，我都提心吊膽!幸而，今日天色好，心情靚，出品又滿意，好滿足，感恩啊!

晚餐

香橙雞排
材料:
無激素法國雞腿三件
甜橙一個
橙醬(塗麵包的)1茶匙
醃料:⋯⋯
醬油和生粉適量
做法:
先用醬油將雞排醃分鐘，然後抹上生粉，用平底易潔鑊煎至金黃色，下橙醬和少許開水，將3/4個橙炸汁一起加入(留起橙皮刨出備用)，煮至有少許汁液時加入1/4個橙(切片)和橙皮，再煮片刻即可。

龍蝦肉炒蛋白
材料:
蛋白8個
龍蝦肉3/4碗(急凍)
海鹽少許
做法:
龍蝦肉用熱水浸泡後整乾，蛋白加鹽拌勻，用LC白裡燒熱下橄欖油，注入蛋白後用中火炒片刻，加入龍蝦肉再炒至凝固即可。

柱侯醬炆牛面

材料:

牛面一件

蘿蔔一條

薑一小件

調味:

柱侯醬2茶匙

老抽1茶匙

冰糖1小粒

做法:

牛面切小件(因為瘦所以無出水)，用白鑊炒片刻，

然後加入調味同開水炆一個牛半小時；蘿蔔用另

一個鑊用油鹽炒下蘿蔔，加入牛面中多炆分鐘

至半小時即可。

用心手作

朋友們，終於不負你們所托了，希望各位都滿意吧!辛苦晒啦瘋狂煮婦，哈哈!

烤番薯

 

 

我們的兒時回憶，戲院門口的粟米 甘蔗......還有這個，天寒地凍之際，來一根烤番薯，那滋味，多幸福啊!
日本番薯2條(多少亦可)，用叉子將皮輕剌，再用180度烤25分鐘，中途需反轉，用手按下覺得內心熟便可。取出後用明火(小火)輕燒，因汁液會令外皮燒焦，真的非常美味!

幻彩玫瑰馬卡龍

 

今日，又再向高難道挑戰!她難，人所共知；將3種顏色混合，便難上加難!還有這麼潮濕，3個鐘都未乾透......我同朋友講，我就快要入青山啦!!!出品唔算十分理想，但幸而都整到，累透了!!!

為新朋友仔做玫瑰花馬卡龍餡

材料:

法國杏仁膏50G

法國無鹽牛油20G

玫瑰花香油1茶匙

法國玫瑰色粉少許

做法:

杏仁膏和牛油放室溫至軟身，加入其餘材料

加在一起，徹底拌勻即可。

包包同學會室內野餐

哈哈!今日好開心呀，我地又聚會呢!

當然有我D馬卡龍啦，朋友勁讚進步左呀!

好傻

我怕高科技有朝一日唔見晒我D心血結晶，所以晒左一部份相。
老板問:D野全是妳做的?
我:係呀。
老板:好有職業水準呀，包括佈景。
我:唔係，興趣而已。
其實個心在狂笑!!!

雲可可可馬卡龍

今日做呢個，除左向天氣挑戰之外，最重要係話比

大家知，只要你永不言敗，不認命，終有一天，

成功會來你家敲門的!

朋友，失敗兩次算什麼?你試過買1KG杏仁粉，

很快便用完了嗎?而大部份是送垃圾桶的!你試過

拌粉漿令關節都疼痛不堪嗎?又試過一天做了三

次都失敗了嗎?這，我都試了!但深信，我不放棄，

終有一天會成功的!你們的沮喪我絕對理解，

所以把經歷都說出來，不要放棄啊!!!

 

 

韓式煎蛋餅

 

材料:
魷魚一隻(切絲)
紅 黃椒各半個(切絲)
韭菜少許
甘筍絲少許⋯⋯
蝦仁10隻(忘了加)
粉漿:
中筋粉1湯匙
粟米粉1湯匙
蛋2隻
水2湯匙
調味:
味琳1茶匙
魚露半茶匙
醬油1茶匙
做法:
先把粉漿拌勻至無粉粒，加入全部材料和調味拌勻，用平底易潔鑊加橄欖油煎至凝固，用一隻碟蓋住然後反轉，再加點油放入煎埋另一面即可。

紅豆沙

 

見到好多朋友都跟電視做菜，但前兩次看見的紅豆沙......我真的不喜歡啊!紅豆是原粒未煲開的，糖水又是清清的......別怪我又自戀呢，這樣的才好吃啊!
我通常加蓮子一起煲，中途盛起一點(淋了但未化開)做砵仔糕，然後加點百合繼續煲至起沙，但又不完全溶化，當然一定有靚陳皮啦

烤春雞 小炒皇

 

材料:
法國春雞一只
西蘭花同甘筍隨意
醃料:
黑椒 香草 海鹽 醬油 (適量)⋯⋯
掃面:
楓糖和橄欖油少許
做法:
先用醃料將春雞內外抹勻，醃5小時以上，在雞面抹點橄欖油，預熱焗爐200度焗28分鐘，抹上楓糖再多焗2分鐘。西蘭花同甘筍用油鹽烚3分鐘，去掉水份拌在碟旁(可在菜面灑D芝士)，再焗3分鐘即可。

材料:
蝦乾50G(先浸泡)
魷筒5只(浸泡後剪開洗乾淨切條)
冬菇5只(先炆好切絲)⋯⋯
梅頭瘦肉(切絲用醬油同生粉醃過)
韭菜花一把(切段)
做法:
各樣分別炒熟，然後一起炒勻，加入喜歡的調味即可。我只用了海鹽和醬油，經已夠味。

 

沖繩黑糖砵仔糕

好想找個QQ彈牙的砵仔糕食譜，今日試左另一個，

又不算很Q，但都可以，大家又試試吧。

材料:

A:沖繩黑糖120G(片糖亦可) 水260ml

B:粘米粉70G 澄麵20G 馬蹄粉40G 糯米粉10G 水180ml

C:紅豆隨意(先煮熟)

做法:

先把B拌勻後，將A煮滾至糖溶，趁熱撞入B拌勻，

不斷搞拌(約2分鐘)，碗抹油後放竹籠蒸2分鐘，

再搞拌粉漿才注入碗中8分滿，大火蒸2分後

加入紅豆，再蒸18分鐘，共20分鐘即可。

 

鹽焗腰果

 

今晚有蒸魚同冬菇炆法國有機機雞翼，之前分享過啦，所以介紹另一樣......
腰果要買印度的，不要好白，通過都用來炸，我今次是係焗呀。先煮沸一些水，加點鹽，下腰果滾片刻便用篩子盛起，去乾水份後，加點海鹽和橄欖油拌勻，預熱焗爐180度焗15分鐘左右，中途要拌勻，以免一面太濃。
註:
不要焗到太深色，放涼後會香脆點。

裝大師

哈哈!等我來辦下大師先......雖然不及真的大師，暫時自我安慰吧!今次個大的做得較以前好點，努力吧!

自我挑戰

書中的意式馬卡龍，是先將蛋白取出，三日後才做；我以前試過沒空，放了超過三天，而最後是失敗告終!

今日又再試，不但成功，還算是完美。雲石昔日做過，今天挑戰三色......雙重挑戰一起，都抱著失敗的心；誰知，上天真仁慈，好感動!!!
真的好想組織一個馬卡龍學會，讓志同道合的人一起研究......
材料:

杏仁粉65G

糖粉65G

法國色粉1G

蛋白25G

意式蛋白霜:

蛋白60G(三日前打蛋取出放冰箱)

乾燥蛋白粉1G

砂糖120G

水30G

做法:

1:先將杏仁粉 色粉和糖霜過篩，加入蛋白拌勻

至無粉粒。

2:製作意式蛋白霜在小鍋放入砂糖和水，

充分混合，用中火將糖水煮至117度。

3:將蛋白和蛋白粉打至有泡和有紋路，把糖水

沿盤邊慢慢加入蛋白，邊加邊打直到提起

打蛋器，蛋白霜起直角為止。

4:用90G的意式蛋白加入杏仁漿中，用膠刮

拌勻(由底往面，然後壓下，拌至有光澤。

5:用膠袋唧出約3cm大小然後自然風乾。

5;用170度焗7分鐘(此時已起裙邊)，再改140

度焗5分鐘，最後轉100度焗3分鐘，

共15分鐘即可。

自我挑戰

書中的意式馬卡龍，是先將蛋白取出，三日後才做；我以前試過沒空，放了超過三天，而最後是失敗告終!
今日又再試，不但成功，還算是完美。雲石昔日做過，今天挑戰三色......雙重挑戰一起，都抱著失敗的心；誰知，上天真仁慈，好感到!!!
真的好想組織一個馬卡龍學會，讓志同道合的人一起研究......

許美靜 - 鐵窗 (+播放清單)

香橙疏乎里

材料:

A:吉士粉15G 鮮奶100G 蛋黃2隻

B:淡忌廉100G 牛油25G砂糖15G

C:麵粉20G 橙酒1茶匙 橙醬2茶匙

D:蛋白2隻 砂糖20G

牛油和糖少許抹焗杯

做好:

先將A放入大碗拌勻，B煮溶牛油後加入A

拌勻，放涼些再與C混合至無粉粒，之後將

蛋白打至起泡，加糖再打到企身(乾性)

然後拌入粉漿，不要拌得太勻。焗杯抹牛油

後灑上糖，注入粉漿抹平，用200度焗10分鐘，

出爐灑上糖粉即可。

乾果燕麥包

阿女喜歡食法包類的，但我技術有限，做些類似的

給她吧，外面都是脆的(長的沒果仁)。

材料:

A:法包粉500G

裸麥粉50G

海鹽8G

糖50G

酵母5G

奶粉15G

水325ml

燕麥50G

B:

橄欖油20ml

C:

提子乾 果仁(隨意)

做法:

先將A放入打麵機拌勻，用中速打5分鐘，加入B

再打15分鐘，用保鮮紙包住發酵40分鐘，然後排氣。

之後分成三個放室溫15分鐘，再第二次排氣和

造型，包上果仁，蓋上乾毛巾進行第二次發酵

30分鐘。預熱焗爐200度，包面抹上牛油和噴

點水，如有烘焙石便放在焗盤旁，焗25分鐘即可。

 

 

 

 

 

非一般羅宋湯

材料:
牛尾一條
牛骨兩件
什菜:
番茄5個⋯⋯
洋蔥1個
薯仔1個
西芹2片
調味:
茄膏2湯匙
海鹽1茶匙
醬油1茶匙
做法:
先將牛尾同牛骨出水，再加薑煲三小時。用鑊炒香蒜泥，炒香什菜(全部切粒)，加入牛尾湯(牛尾用一部份把肉撕碎一起加入)煲20分鐘，拌入調味即可。

擂沙湯圓

 

上次係龍皇食過唔理想，所以自己整，但都係未滿意，D餡無加糖，芝麻粉同醬D比例唔好，下次再整過。

杞子蛋花酒釀

 

這是一道簡單又補身的下午茶啊!
材料:
A:開水半碗 杞子1小撮(清洗而不用浸泡) 冰糖1小粒
B:蛋1只
C:自製糯米酒2湯匙(如果沒有有買現成的)
做法:
先將A煮滾，2分鐘後加入B打散煮片刻，熄火後加入C拌勻即可。

心型意式馬卡龍

馬小姐，妳真係身嬌肉貴啊!又有幾多人想征服妳呀?!而心型，便難上加難了，要好好研究啊......