真的收爐

 

又話收爐?哈哈!朋友再要呀，不過好辛苦呀，真係唔整架啦!呢幾日見到個谷好多人做我個食譜，又覺得好滿足，好開心呀!大部份人都有註明用我的食譜，仲說感謝，好感動啊!
今次加左D沖繩黑糖，雖然宦老公話D糖染色，但我喜歡深色D呀。

材料:

糯米粉600G

增城蔗糖400G

沖繩黑糖200G

水690ml

做法:

先將水加蔗糖煲溶，放涼至手可以接觸的

溫度便加糯米粉，用手不斷抓粉漿至無粉粒，

然後過篩，注入抹油的糕盤內，蓋上錫箔紙

蒸三小時。

XO醬肉碎蒸水蛋

 

 

材料:
雞蛋3隻
水 跟蛋份量相約
肉碎隨意(用生抽同生粉醃過)
XO醬1茶匙⋯⋯
做法:
將蛋和水拌勻去泡(可加點海鹽)，加蓋大火蒸20分鐘；燒紅油鑊炒熟肉碎，加入XO醬爆炒，加上蛋面OK。
呢個好簡單，大家跟吧!老公好like。

 

斑蘭豆沙班戟(自創食譜)

 

 

斑蘭豆沙班戟(自創食譜)
材料:
 班戟粉(混合好的)200ml
斑蘭葉加椰汁打溶去渣150ml
牛油1茶匙
豆沙隨意
做法:
將全部材料(除豆沙外)混合，拌勻至無粉粒，用平底易潔鑊加油，細火煎熟，放涼包上豆沙即可(什麼形狀亦可)。

滿足 豐足 海鮮粥

 

阿仔去左旅行，個女又約左同學食飯，今晚我同老公撑枱腳。
先用排骨煲好個粥底，D蟹用薑蔥炒下，龍躉用生抽醃左，新鮑魚洗刷乾淨，加入粥度煲一陣，最後落帶子......嘩!又係呢句
好味到無朋友呀!

 

荷香年糕

繼續瘋狂
因為有朋友要訂，所以又黎呀!見有人用荷葉墊底，但個面唔平滑，我當然又好奇研究下啦，好在出黎無問題，哈哈!滿足!

材料:
 糯米粉600G

  增城蔗糖600G

水690ml

 荷葉2片(先浸泡然後洗刷乾淨)

做法:

先將水加蔗糖煲溶，放涼至手可以接觸的

溫度便加糯米粉，用手搓至柔滑(約十五分鐘)，然後過篩。注入放上荷葉的糕盤內，

  蓋上錫箔紙蒸三小時。

晚餐

 

XO醬排骨魚鬆炆蘿蔔
尋晚有魚餅多，順理成章做呢個，今次加DXO醬，野味D。

番茄洋蔥豬排
梅頭有骨豬排去骨後，用刀背把筋"烤"斷，然後一開二，然後用醬油麴醃一個鐘，抹生粉煎到金黃色；洋蔥同番茄用油鹽炒到軟身，加入豬排中，注入少少開水和茄汁煮片刻，埋芡即可。

特濃可可蛋糕

這個新手入門版，好難失敗架。

材料:

自發粉100G

發粉少許

砂糖100G
旦3只
牛油30G

黑可可粒40G(先坐溶)

可可粉1茶匙
入爐可可粒適量

做法:
將牛油叮溶，加入旦和砂糖打勻，分二次再加入自發粉和發粉打勻；

再拌入可可粉同已坐溶的可可，

注入紙杯7分滿，將入爐可可粒加在面上，預熱焗爐180度焗20分鐘即可。

其實我喜歡齊食，有D似油炸鬼，哈哈!

實在太疲累了，今日狠心地下午不工作，回家午睡；但起來還是忍不住手，又有搞作，滿足!
材料:

水100ml
⋯⋯

牛油45G

鹽2G

低筋粉60G

雞蛋2隻

做法:

先將牛油和鹽加入水中煮沸(至牛油溶化)熄火，

將低筋粉加入，用力拌至有黏性和光滑，然後再開

火，仔細混合，令水份蒸發。用小碗打散雞蛋，

將麵糊放入大碗內，慢慢加入蛋液，用膠刮

快速拌勻，至提起膠刮把麵糊倒下，它是上

闊下窄的三角型為止。然後預熱焗爐200度，

將麵糊用袋唧出5cm的大小，用叉子沾上

蛋黃在面橫豎的至紋然後焗30分鐘，但在20

分鐘前不能將焗爐門打開(如戚風一2道理)。

如果有風製便使用，我用新焗爐的風製，

效果好理想。

 

臘腸卷

中式包是我的至愛，看似簡單，但其實不似

想像中容易；我失敗過好多次，大家應該有印象

我亦介紹過好多次，因為太愛白神山所做的成品，

不像外面吃的，好棉花一般......

材料:

牛奶150ML

酵母3g
(如用白神山4G，先用暖水開好，再加入鮮奶拌勻)
中筋粉250g
砂糖10g
油5g

做法:
先將酵母溶入牛奶中拌勻，加上麵粉，

再加上糖和油，搓至光滑，鬆弛5分鐘，

包入餡料，再發酵20分鐘，水滾大火

蒸15分鐘即可。

斑蘭椰汁年糕

材料:

糯米粉1斤

砂糖450G

斑蘭葉15片

椰漿2包

做法:

先將斑蘭葉剪碎，加入椰漿打溶後去渣，如不足

3杯便加水，再加糖煲溶，放涼至手可以接觸的

溫度便加糯米粉，用手搓至柔滑(約十五分鐘)，然後過篩。，蓋上錫箔紙

蒸三小時。

好日子

昨天是兒子生日，當然又有好菜啦!

鮑魚海參一品鍋呀。

仲有照燒雞排

同我親手做的蛋糕啦，希望他健康快樂呀!

可可戚風

 

材料:

A:
蛋黃9個
砂糖60G
水6湯匙

菜油90ml
低筋粉150G
B:
蛋白9個
砂糖150G

C:

70%黑可可120G

(用熱水坐溶)

先用手提打蛋器將蛋黃和砂糖打勻，再加入水 油
和雲尼拿油拌勻，加入已過篩的低筋粉，用打蛋
器拌至滑潤狀態。
用電動打蛋器將蛋白打至如棉花般的(提起會滴落)
便加第一次糖(150G分三次)，打至提起蛋白有尖角
再加入第二次糖，到尖角更直立加最後一次砂糖，
打至能拉出完整尖角的泡沫便完成了。
用膠刮取1/3的蛋白加入蛋黃中拌勻，再分二次
加入如下的蛋白拌勻，至提起膠刮舀起麵糊向
下，如布匹般滑落便可。之後用另一個碗盛一

小部份粉漿，加入C拌勻，再與原來

的粉漿拌勻，
之後注入中空的戚風模內，用兩隻大拇指按著中
空的頂部，其餘手指按著模邊，輕輕扣打(在桌
上放上毛巾)，再用竹籤用麵糊畫圓圈，令空氣
釋出。預熱170度焗45分鐘，出爐倒扣，放涼起
出即可。

注:以上的份量我做了一個8寸和一個6寸。

 

包包同學會-開心下午茶

包包同學會-開心下午茶

包包同學會-開心下午茶

晚餐

 

黑松露炒海鮮
今次買左一條桂花(起肉)，用生抽同生粉醃下，蝦仁就用海鹽醃，帶子兩面抹麵粉後煎香(桂花同蝦仁都先炒過)，最後加D黑松露醬(CC買)炒，超好味!

香芋五花腩
腩肉用五香粉同老抽醃左五個鐘，加左少少汁同芋頭一齊，蒸左一個鐘廿分，好入味，五花腩仲爽口架。

 

可可疏乎里

尋日整年糕好辛苦，今日要獎勵下自己(其實又係做實驗)。

大家放心整啦，我影完相又食晒第一杯，

第二杯都未下降呀!

材料:

A:吉士粉15G 鮮奶100G 蛋黃2隻

B:淡忌廉100G 牛油25G砂糖25G

C:麵粉20G 黑可可粒30G(用熱水坐溶)

D:蛋白2隻 砂糖20G

牛油和糖少許抹焗杯

做好:

先將A放入大碗拌勻，B煮溶牛油後加入A

拌勻，放涼些再與C混合至無粉粒，之後將

蛋白打至起泡，加糖再打到企身(乾性)

然後拌入粉漿，不要拌得太勻。焗杯抹牛油

後灑上糖，注入粉漿抹平，用200度焗12分鐘，

出爐灑上糖粉即可。

黑糖年糕

我喜歡蔗糖年糕，但覺得外面買的都不好吃，可能

為了好看都加上粘米粉，欠缺"煙un"的感覺。

左面是增城黑蔗糖，而右邊是沖繩黑糖，

你估邊種好味?

材料:

糯米粉600G

增城蔗糖600G

水690ml

做法:

先將水加蔗糖煲溶，放涼至手可以接觸的

溫度便加糯米粉，用手搓至柔滑光澤(約十五分鐘)，

然後過篩，注入抹油的糕盤內，蓋上錫箔紙

蒸三小時。

無水蒸焗嘉美雞

 

 

以前試過整呢個餸，我很愛，覺得原汁原味，但老公唔係好like，所以切左細邊黎整，不過今次佢又好喜歡，同我爭食。
做法係，先用海鹽將雞內外抹勻，輕按雞身(醃三小時以上)，
然後用Staub蒸。把薑蔥放置煲底，盡量別讓雞身貼到煲底，加蓋中小水蒸10分鐘，再焗15分鐘。如果原只便蒸15分鐘，再焗20分鐘即可。

 

鹵水料食譜

 

 

其實以前分享過，不過有朋友問，又再出。（十二點起順時針）
材料：
八角 花椒 小茴 砂薑 草果 桂皮 香葉 甘草 陳皮
做法：
用魚袋盛著香料，加水
老抽 生抽 鹽和冰糖(調味料可自行决定）煲一小時。之後鹵肉，初時鹵些比較肥的食物，如牛腩 雞翼之類。
牛腱炆一個半小時，之後浸泡過夜，雪硬才易切。豆腐和蛋煮分鐘，浸五小時。

疏乎里(成功版)

材料:

A:吉士粉15G 鮮奶100G 蛋黃2隻

B:淡忌廉100G 牛油25G砂糖25G

C:麵粉20G 橙酒和雲尼拿香油少許

D:蛋白2隻 砂糖20G

牛油和糖少許抹焗杯

做好:

先將A放入大碗拌勻，B煮溶牛油後加入A

拌勻，放涼些再與C混合至無粉粒，之後將

蛋白打至起泡，加糖再打到企身(乾性)

然後拌入粉漿，不要拌得太勻。焗杯抹牛油

後灑上糖，注入粉漿抹平，用200度焗10分鐘，

出爐灑上糖粉即可。

桂花椰汁年糕

呢款往年都有做，皆因自己好喜歡椰子的

味道；但今年首次用椰子打汁，都幾辛苦

呀，不過好享受囉，希望朋友都喜歡啦!

做年糕一定唔可以偷懶呀，用機打唔好食架，

用手搓至柔滑(約十五分鐘)，然後過篩。

材料:

糯米粉1斤(我用李祥和)

冰糖1斤

椰子1個打汁或現成椰汁3杯

(鮮椰汁要過篩)

桂花適量(不加亦可)

做法:

先用椰汁加冰糖和桂花煮滾至冰糖

完全溶化，放至不太熱然後下粉，

用手不斷抓至粉粒溶化和粉漿柔滑，

注入抹油的糕盤內包上鍚紙，大火

蒸三小時(我用Miele蒸左3個半鐘)。

咖哩羊腩煲

 

第一次用咖哩炆羊肉，無乜信心，但竟然出奇好味，只係肥左少少......
材料:

黑草羊(我買左1斤6兩)
乾蔥頭2粒⋯⋯
咖哩粉1茶匙
咖哩醬2茶匙
黃薑粉少許
洋蔥1個
茶葉1小撮
做法:
羊腩先用茶葉出水，再沖洗乾淨，燒紅油鑊下乾蔥和咖哩粉炒香羊肉，加水 咖哩醬同黃薑粉炆1小時廿分鐘。洋蔥炒香加入炆5分鐘後埋芡即可。

XO醬發菜炸魚球

 

魚肉加D梅頭，用"豬肉佬"攪碎，加醬油同生粉醃，再加D自製XO醬同發菜炸......嘩!好好味呀!

可可貝殼蛋糕(馬德琳)

傳統是有肚臍才叫成功，但我唔知點解......

材料:
蛋1隻

砂糖40G

蜂蜜15G

低筋粉45G

泡打粉3G

可可粉5G

牛油50G

做法:
1:將蛋放於盤中打散。

2:加入糖拌勻，再加蜂蜜混合。

3:低粉 泡打和可可粉一起過篩，加入拌至

無粉粒為止。

4:將溶化的牛油趁熱加入粉漿拌勻。

5:麵糊放冰箱雪2小時以上。

6:貝殼模放冰箱(普通格)雪10分鐘，

然後抹上牛油和灑上高筋粉。

7:注入粉漿8分滿，預熱200度焗8至10

分鐘至肚臍隆起。

8:出爐後起出放涼便可。

我還加了入爐可可粒

古法紅棗元肉黑糖年糕

材料:

糯米粉(李祥和)1斤

黑糖1斤

水690ml

紅棗和元肉隨意(可不加)

做法:

先將水加黑糖煲溶，放涼至手可以接觸的

溫度便加糯米粉，用手搓粉漿至柔滑(約十五分鐘)，

然後過篩，注入抹油的糕盤內，加入紅棗和

元肉(先浸片刻，紅棗去核切粒)，蓋上錫箔紙

蒸大火三小時。

註:

好多人聽到三小時都嘩然，係呀，高人教路，

咁至好食架!喜歡的話可加薑汁。