桂花椰汁年糕

呢款往年都有做，皆因自己好喜歡椰子的

味道；但今年首次用椰子打汁，都幾辛苦

呀，不過好享受囉，希望朋友都喜歡啦!

做年糕一定唔可以偷懶呀，用機打唔好食架，

用手搓至柔滑(約十五分鐘)，然後過篩。

材料:

糯米粉1斤(我用李祥和)

冰糖1斤

椰子1個打汁或現成椰汁3杯

(鮮椰汁要過篩)

桂花適量(不加亦可)

做法:

先用椰汁加冰糖和桂花煮滾至冰糖

完全溶化，放至不太熱然後下粉，

用手不斷抓至粉粒溶化和粉漿柔滑，

注入抹油的糕盤內包上鍚紙，大火

蒸三小時(我用Miele蒸左3個半鐘)。