藍莓芝士蛋糕 (附食譜)

這份量可做一個8寸和一個6寸

餅底材料: 牛油75G 糖粉75G 消化餅150G

做法: 將消化餅壓碎，加入溶解的牛油和糖粉
拌勻，放入8寸和6寸的焗盤壓平，用180度焗
5分鐘，放涼備用。

蛋糕材料: 忌廉芝士600G，砂糖180G，蛋4隻，
牛油90G，淡忌廉60G。

藍莓和醬隨意

做法: 忌廉芝士(先放室溫)加糖打10分鐘，至無
粒和滑身為止，然後慢慢加入蛋和牛油繼
續打至如蛋漿一般，最後加入淡忌廉打片刻。
注入已放涼的餅底上，
預熱160度焗50分鐘即可。

 
 
 
 
 
 

蛋白杏仁茶

材料:

杏仁70G(南杏60G 北杏10G)

水700ml

米一小撮

砂糖(隨個人口味)

蛋白3隻(可加減)

做法:

先將杏仁焗香(微黃)，然後加入米同水打溶

(無強力攪拌器便隔渣)，再煲滾，加入

蛋白和砂糖煮片刻即可。

鹵水豬手

 

好喜歡食豬手呀，出水後浸冰水，然後加D花椒 八角 桂皮 草果
香葉 老抽 醬油(或其他喜歡的調味)，大火炆一個半鐘，好好味呢!

潤喉湯

 

 

用萍果同雪梨(每樣兩個)，加D雪耳 海底椰 杏仁 百合 淮山 海竹 桔餅 陳皮煲瘦肉(三個鐘)，喉嚨即刻潤晒。

可可咖啡戚風 (附食譜)

以前人地話戚風做得好，其實可以徒手脫模......

我一直都唔敢，直到用新焗爐，發覺質地有D唔同，

試下又真係脫倒呀，仲好靚添，比較濕潤呀。

 

材料:A

蛋黃6個
砂糖40G
水4湯匙
低筋粉100G
B:
蛋白6個
砂糖100G

C:

菜油60ml

可可粉20G

咖啡醬2湯匙

 

先用手提打蛋器將蛋黃和砂糖打勻，再加入水 油
和雲尼拿油拌勻，加入已過篩的低筋粉，用打蛋
器拌至滑潤狀態。
用電動打蛋器將蛋白打至如棉花般的(提起會滴落)
便加第一次糖(100G分三次)，打至提起蛋白有尖角
再加入第二次糖，到尖角更直立加最後一次砂糖，
打至能拉出完整尖角的泡沫便完成了。
用膠刮取1/3的蛋白加入蛋黃中拌勻，再分二次
加入如下的蛋白拌勻，至提起膠刮舀起麵糊向
下，如布匹般滑落便可。之後用另一個碗盛一

小部份粉漿，加入可可粉和咖啡醬拌勻，再與原來

的粉漿拌勻，

之後注入中空的戚風模內，用兩隻大拇指按著中
空的頂部，其餘手指按著模邊，輕輕扣打(在桌
上放上毛巾)，再用竹籤用麵糊畫圓圈，令空氣
釋出。預熱170度焗45分鐘，出爐倒扣，放涼起
出即可。

唱K

今日好開心呀，去左唱K.......

哈哈!估唔到呢?

不過晚上無煮飯，同老公出去食。

開心果玫瑰曲奇(食譜)

左邊是舊爐焗的，右面新爐的顏色好多呢。

 

材料:
A: 牛油100G 砂糖40G 天然玫瑰花油一茶匙
B: 開心果50G 玫瑰花適量
C: 低筋粉150G
做法:
先將A打至乳白色，拌入B，然後篩入C拌勻，包保鮮紙放冰箱半小時，取出用木棍輾至1.5厘米厚，用170度焗15至20分鐘，出爐放涼即可。

禮物

 

 

老友的咖啡店明天新張，我未選到合心意的禮物，好焦急......今日出左sogo，好多人(好怕)，終於買了一套杯子(她喜歡的牌子)......但回家已筋疲力竭了，無力煮飯啦!

這個款式呀，好清雅呢。

晚餐

當歸 淮山 杞子 元肉煲牛腱
女人......要補
秋天......便好

 

煎多春魚
尋日係一田買架，用鹽醃左煎香，都幾好味，不過咸左D。

切雞
如果係鮮雞，我覺得點整都好味架；不過，老公最愛白切雞，好多款式都唔like......做煮婦嘅，當然就人先啦。

砵仔飯
哈哈!別看這飯其貌不揚呀，丈夫十分欣賞呢!我試過用Staub加Miele去蒸效果不及用這個砵香呀。水和米的比例如電飯煲的一樣，用Miele蒸25分鐘，好香!

 

乳酪蛋糕 (附食譜)

 

若然你喜歡芝士蛋糕，但又不愛太濃的芝士味

(如我)，這個你必定愛不釋手!

材料:

A:全蛋150G 蛋黃60G 砂糖110G

B:忌廉芝士185G 砂糖75G

C:牛油110G 乳酪40G

D:低筋粉185G 發粉10G

E:乾藍莓粒或入爐可可粒(隨意)

 

做法:

1: 先將A打電動打蛋器打至提起不易滴落。

2:將B打王軟身，加上A中拌勻。

3:C坐熱水王溶解，然後與以上材料拌勻。

4:將D過篩後加入材料拌勻。

5:入杯至八分滿，上面放上E。

6:預熱180度焗25分鐘至金黃色即可。

 

唔係虛榮心作怪呀，新爐焗出黎D蛋糕真係鬆軟好多架!

 

特別晚餐

 

 今日好叻女呀(其實日日都係啦......唔準笑!)去完街返黎已經六點幾呀，跟住煲左柴魚花生粥......

 

又整埋糯米卷(好好味呢)

 

嘩!仲有培根黑椒火腿意粉呀，係咪好瘋狂呢?

古法馬拉糕 (附食譜)

 

見個舊blog有六千幾人睇過呢詩篇食譜(嚇親我)，係度再出一次啦!
材料:
麵粉240G
吉士粉60G
發粉2茶匙⋯⋯
蘇打粉半茶匙
旦6只
黃砂糖360G (我用黑蔗糖，好香)
雲尼拿油半茶匙
豬油160G (不過嫌豬油太多，下次改變一D)

做法:
1: 所有粉類過篩2次。
2: 旦放於大盤中用打旦器打爛，逐少加入糖打勻至忌廉狀。
3: 分3次加入粉類拌勻，放一旁醒30分鐘。
4: 豬油坐成流質，加入快手打勻，再醒10分鐘。
5: 蒸盤抹油，注入粉漿，大火蒸50分鐘即可。

最平宜的女人補品......八珍

唔好睇佢好似苦茶咁呀，好有益架，可以驅風補血，虛弱 失眠
等女人問題都有助解決架。
黨參 歸身 熟地 雲苓 白芍 白術 炙甘草 川芎 稱為八珍
如有頭暈，叫店主加天麻和藍棗，有經痛便加益母草。

晚餐

 

 XO醬蒸豬頸肉
其實呢個部位係淋巴(打針)，不而多食呀。用少少醬油同生粉醃10分鐘，加上XO拌勻，蒸20分鐘，好簡單呀。

煎薯餅

 

 用2/3薯仔蒸熟，壓成蓉，1/3刨絲(浸泡於水中，然後吸乾水份)加入薯蓉中，火腿和培根切粒，洋蔥切粒炒半熟，然後加少許黑椒和海鹽，還有一點麵粉一起拌勻，煎至金黃色即可。

西洋菜煲山班

可可雲石馬卡龍

研究她，真的耗盡我無數精力和時間......昨天，新爐用舊爐的溫度，完全不行，出來是脆脆的如餅乾一般。今日再試，調低了度數，好多了......
記得當初用舊爐時，只是測試爐溫亦做了無數次才滿意，要她完美，實在太難啊!

生炒糯米飯

 

材料:
糯米半斤 (浸泡三小時以上)
臘肉 臘腸 冬菇和蝦米隨意

調味:⋯⋯
醬油 老抽

做法:
先將臘味蒸熟，然後去油切粒；冬菇和蝦米浸泡後亦煮熟切粒。糯米去乾水份，燒紅油鑊，下米炒片刻，然後加點開水加蓋焗片刻，不斷重複這動作，直至飯熟，加入配料炒勻後調味。全程大約廿五分鐘，如果不肯定是否熟透，便試一點飯。可配証蛋絲和花生(先焗香)。
雖然工夫多點，但好味就值得了，千萬別煲熟飯才炒啊!

烤乳鴿

 

用鹵水汁將乳鴿炆10分鐘，然後原煲浸泡一日，再取出放冰箱一日(不用保鮮紙)，讓它吸乾水份，再用200度烤25分鐘(中途要反轉)。

林明頓

特別晚餐

 

 用排骨煲左個粥底，再加上可班 中蝦同帶子，仲有一隻肉蟹，先用薑炒至半熟，再加入煲一陣......真係好味到無朋友呀!

仲有焗海鮮意粉

菜肉包&臘腸卷呀

 

 

 

 

 

 

 

晚餐

 

響螺 元貝 雞煲翅

 

紅燒龍躉
今日買左一條游水龍躉，好新鮮奴嫩滑呀!先用海鹽同生粉醃片刻，燒紅油鑊，爆香薑蔥，下魚煎至金黃色，"贊"酒，加點滾水和老抽，炆熟後埋芡，超好味。

 

照燒雞排
雞排用照燒汁和海鹽醃2小時，用180度每面焗8分鐘，共16分即可，簡單又好味。

西櫵大餅

西櫵大餅
材料:
低筋粉90G 砂糖40G 固體菜油20G 臭粉1G 泡打粉2G 蛋30G
做法:
將低筋粉放入盤內，中間挖一個洞，把其他材料全部加入中間，然後搓勻，放室溫一小時。預熱焗爐180度，將粉團分成兩份，焗20分鐘即可。

上次光蘇餅我用舊爐焗，10分鐘便有點燶，但個心又未熱；今次真係靚D。

自家豬腳薑醋 (古方酸醋版)

 

 

 材料:
黑酸醋(黑糯米醋)2斤
清水1斤
片糖3斤
薑3斤⋯⋯
豬腳2隻(我用豬手)
蛋隨意

做法:
1: 薑去皮後洗乾淨，用白鑊烘片刻，放入瓦煲注入醋和水煲半小時，原煲浸過夜。
2: 次日將片糖加入1中煲半小時。
3: 豬腳出水後過冷河，用一煲清水煮一小時去除水份，加入以上的材料一起煲半小時，熄火後焗至明天。
4: 明天以慢火煲半小時後，加上烚熟的雞蛋煲10分鐘即可。

當然，這未曾好好味啦，要日子有功架。

迷你核桃蘇

材料:

A:固體菜油60G 砂糖60G

B:梳打粉1G 臭粉1G(用一茶匙水開)

C:蛋30G

D:低筋粉120G

E:核桃適量(先焗香)

F蛋黃(掃面)

 

做法:

先將A用電動打蛋器打勻，加入B拌勻，再加入C，

D過篩加入一起拌勻，至無粉粒即可，放冰箱雪

30分鐘。然後分小粒後壓扁，掃上蛋黃後加入

核桃在中間，用180度焗13分鐘即可。

 

這個好易做，無需街外買。

晚餐

 

蘿蔔炆魚鬆
我喜歡用新鮮鯪魚，請檔主起肉，回家自己用"豬肉佬"攪拌(加D梅頭)，然後煎成魚餅。入秋了，蘿蔔很清甜，炒過後加點蠔油和海鹽，炆至八成熟再跟魚餅一起炆片刻，用少許生粉勾芡便可。

 

烤照燒雞翼
個爐今日好忙，焗左三次野呀；我有句"名言"，成日用就一萬都值，唔用就一蚊都貴。老公話:對呀!好啦，又有藉口買野啦，哈哈!
雞翼用照燒汁醃五個鐘，用180度每面焗7分鐘，共14分鐘即可。

 

 

 

韓式甜薯
材料：
BB薯4個
醬油1茶匙
糖2茶匙⋯⋯
白芝麻少許（焗香灑面）
做法：
將薯仔切粒，炸至金黃色，加入醬油和糖，少許開水煮至入味，上碟後灑上芝麻即可。

 

 

 

 

 

 

 

 

 

 

 

 

 

 

 

 

 

可可榛子包

九寸班蘭戚風

新爐第一擊

 

首次徒手脫模
滿意！

材料:

A:
蛋黃6個
砂糖40G
斑蘭汁4湯匙(斑蘭葉10片加椰漿200ml打溶去渣)
 菜油60ml
低筋粉100G

B:

蛋白6個
砂糖100G

先用手提打蛋器將蛋黃和砂糖打勻，再加入油

和斑蘭汁拌勻，加入已過篩的低筋粉，用打蛋
器拌至滑潤狀態。
用電動打蛋器將蛋白打至如棉花般的(提起會滴落)
便加第一次糖(100G分三次)，打至提起蛋白有尖角
再加入第二次糖，到尖角更直立加最後一次砂糖，
打至能拉出完整尖角的泡沫便完成了。
用膠刮取1/3的蛋白加入蛋黃中拌勻，再分二次
加入如下的蛋白拌勻，至提起膠刮舀起麵糊向
下，如布匹般滑落便可。
之後注入中空的戚風模內，用兩隻大拇指按著中
空的頂部，其餘手指按著模邊，輕輕扣打(在桌
上放上毛巾)，再用竹籤用麵糊畫圓圈，令空氣
釋出。預熱170度焗45分鐘，出爐倒扣，放涼起
出即可。

新玩具

 

幾經波折，我的新寵終於到了!
極度興奮，明天試用......

請教

我這個電腦白痴請教各位，為何去加入社交的朋友那兒不是他們的blog?怎樣才可如昔日亞虎，找回關注blog友呀?

自行研究&自家磨製核桃糊

 

 材料:
核桃100G
花生40G
米一小撮
水800ml⋯⋯
冰糖(隨個人口味)
做法:
先將核桃和花生焗至金黃香脆，然後加入水和米用強力攪拌器打溶(如沒有便要隔渣)，注入煲內加糖煮沸即可。
注:
米是令它有加勾芡的效果，而且比較香和有益。